La Liganyň 9-njy tapgyryndan orun alan merkezi oýunda Madridiň Realy öz öýünde Barselonany 3:1 hasabynda ýeňlişe sezewar etdi.Oýunda ýer eýeleriniň gollaryna Benzema (12), Walwerde (35) we Rodrigo (90+1) awtorlyk etdiler.
Myhmanlaryň ýeke-täk goly bolsa Torresiň (83) adyna ýazyldy. Şeýlelikde, Real özara el-klassikolardaky ýeňişleriniň sanyny 101-e ýetirdi.Barselona özara oýunlarda 97 gezek ýeňiş gazanan bolsa, ýene 52 oýun deňlikde tamamlanypdyr. Ýeri gelende, Realyň soňky 7 özara oýnuň 6-synda esasy garşydaşy Barselonadan üstün çykandygyny bellemek gerek.
Real bu günki ýeňşi arkaly ähli ýaryşlardaky ýeňlişsiz ýörişini 14 oýna ýetirdi. Şolardan 9-sy içerki çempionatda hasaba alnyp, Real La Liganyň bu möwsüminde 8 ýeňiş gazandy we 1 gezek deň oýnady. Häzirki wagtda korollyk gwardiýasy 25 utuk bilen turnir tablisasynda kerwenbaşylygyny dowam edýär. Ikinji orundaky Barselonanyň hasabynda bolsa 22 utuk bar.