23-nji oktýabrda Azatlyk Radiosynyň websaýtynda owgan türkmenleriniň durmuşyndan “Eneli gyzy dilegçilige mejbur eden gowga” atly täze wideo çap edildi.Wideoda Şordepede turan uruşdan gaçyp Mazary-Şerife baran bir eneli gyzyň ykbaly barada gürrüň edilýär.
Owganystanda ýaşaýan etniki türkmenlerden Halyma özüniň 10 ýaşly gyzy bilen, uruş we jeňçileriň abandyrýan howpy sebäpli, doguk Şordepe etrabyny terk edip, Mazary-Şerif şäherine göçüp geldi.Işsizlik we girdeji çeşmesiniň ýoklugy eneli gyzy köçä çykyp dilegçilik etmäge mejbur etdi.
Bu wideonyň çap edilmeginiň yzýany kyn durmuşa duçar bolan eneli-gyza ynsanperwerçilik kömekleri berildi.Dünýä Türkmenleri gepleşiginiň bu sanynda 23-nji oktýabrda Azatlyk Radiosynyň websaýtynda çap edilen “Eneli gyzy dilegçilige mejbur eden gowga” atly wideonyň mazmuny hem-de onuň täsir gerimi barada gürrüň edilýär.
Gepleşigimize Azatlyk Radiosynyň Kabuldaky habarçysy Şamerdanguly Myrady gatnaşýar.