Eýnşteýniň golýazmasy auksionda 13 million dollara satyldy

Eýnşteýniň golýazmasy auksionda 13 million dollara satyldy

Pariždäki Christie's auksion öýünde Albert Eýnşteýniň otnositellik teoriýasyny düzmäge synanyşanda eden hasaplamalaryny öz içine alýan golýazmasy satyldy. Bu barada BBC habar gullugyna salgylanyp, zn.ua habar berdi.

Golýazmanyň bahasy 11 million ýewro (13 million dollar) barabar boldy diýip bellenilýär, şeýle hem munuň awtografiki ylmy resminama üçin rekord bahadygy aýdylýar.

Bu teoriýa 1915-nji ýylda neşir edildi we adamzadyň giňişlige, wagta we agyrlyk güýjüne düşünişini üýtgetdi. Golýazma 1913-1914-nji ýyllara degişli bolup, onda Eýnşteýniň we onuň resminamany saklaýan kärdeşi Mişel Bessonyň bellikleri bar.

Golýazma gara syýa bilen ýazylan. Auksion öýüniň hünärmenleriniň pikiriçe, bu golýazma otnositellik teoriýasyny düzmekde alymlaryň goýberen birnäçe ýalňyşlyklaryny görkezýär. 54 sahypalyk resminamany satyn alan adam öz adynyň mälim edilmezligini isledi.

Ýene degişli makalalar

Paýhaslar düwünçegi
Türkmen maşgalasynda çaga terbiýesi, çagalar bilen bagly däp-dessurlar we toýlar
Pele Soňky Ýoluna Ugradylýar
Futboluň şasy aradan çykdy
Dünýäniň iň uly teleskopynyň gurluşygyna başlandy
Turkish Airlines Aşgabada uçuşlary dikelder, Bäherden etrabynda suw arassalaýjy toplum işe girizildi, türkmen keşdesi ÝUNESKO-nyň Sanawyna girizildi we beýleki habarlar