Tähran uniwersitediniň Seýismologiýa merkezinden berilen beýanata görä, güýç merkezi Sistan-Bulujystan welaýatynyň paýtagty Zahidan şäheriniň Serjengel diýilýän ýerinde bolan ýer titreme, ýerli wagt bilen sagat 12:06-da bellige alyndy.
Ýer titremäniň ýeriň 16 km aşagynda emele gelendigi mälim edildi.
Sistan-Bulujystan welaýatynyň Krizis dolanşyk ofisiniň Müdüri Ali Ryza Şehreki, 5,5 bal ululygyndaky ýer titremäniň ýetiren zyýanynyň anyklanmagy üçin sebite toparlaryň gönükdirilendigini aýan etdi.
Ýer titreme Sistan-Bulujystan welaýatynyň paýtagty Zahidan şäherinde hem duýuldy.