Eýranyň Ynkylap goragçylary goşuny, ýarym resmi “Fars” habarlar gullugyna görä, ýekşenbe güni sebitde ABŞ-na degişli 3 harby baza raketa we dron hüjümini gurady.
Habarda Eýranyň Ynkylap goragçylary goşunynyň Erbildäki Al Harir howa bazasynda ýerleşýän Amerikan güýçlerini nyşana alandygy, Kuweýtdäki Ali Al Salem we Arifžan bazalaryna hüjüm gurandygy nygtaldy.
Eýranyň Ynkylap goragçylary goşuny tarapyndan berlen beýannamada, hüjümleriň Eýranda senagat zolagynda işleýän işçileriň öldürilmegine sebäp bolan hüjümleriň aryny almak maksady bilen guralandygy we “Hakyky Wada” operasiýasynyň 52-nji tolkunynyň bir bölegi bolandygy nygtaldy.
Eýranyň Ynkylap goragçylary goşunyndan berlen beýannamada, Ysraýylyň Premýer-ministri Binýamin Netanýahuýa hemle atyldy we “Eger ýaşaýan bolsa ony yzarlamaga dowam ederis we bar güýjümiz bilen ony öldüreris” diýildi.
Ysraýylyň Premýer-ministrliginiň “Anadoly habarlar” gullugyna beren beýannamasynda, ABŞ bilen Ysraýylyň hüjümlerine degişli gaýtawuly görkezýän Eýranyň Netanýahuny öldürendigi hakyndaky habarlaryň asylsyzdygy nygtalypdy.
Ysraýylyň Kanal 12 teleýaýlymyna görä, Eýranyň soňky ballistiki raketa hüjüminden soň Ysraýylyň merkezindäki Holon şäherinde iki adam ýeňil ýaralandy.
Ysraýyl bilen ABŞ-nyň 28-nji fewralda Eýrana garşy başladan bilelikdäki hüjümlerinde Eýranyň ozalky dini lideri Ali Hamenei bilen birlikde 1300 adam ýogaldy.
Eýran hem hüjümlere Ysraýyla, Yraga we ABŞ-nyň harby merkezlerine ýer eýeçiligini edýän Aýlag ýurtlaryna dron we raketa hüjümini guramak bilen gaýtawul görkezýär.