Kommunikasiýalar edarasynyň başlygy Fahrettin Altun sosial ulgamdan beren beýanatynda, basyp alyşy Ysraýylyň Gaza garşy guran hüjümlerinde metbugat işgärlerini bilkastlaýyn ýagdaýda nyşana alynmagynyň arakesme bermeden dowam edýändigine ünsleri çekdi.
Soňky gezek bolsa Nuseýrat bosgun düşelgesinde ýaýlym bermek üçin taýarlyk görýän TRT Arap kanalynyň işgärleriniň ulagynyň Ysraýylyň goşunynyň hüjümine sezewar galandygyny aýdan Fahrettin Altun, hüjümde garaşsyz operator hökmünde işlän Sami Şahadanyň agyr ýagdaýda ýaralanyp operasiýa astyna alynandygyny, TRT Arap kanalynyň habarçysy Sami Berhumyň bolsa wakadan ýaralanmadan halas bolandygyny habar berdi.
Kommunikasiýalar edarasynyň başlygy Fahrettin Altun: "Bu elhenç hüjümi ýazgarýarys.Bu terrorçylykdyr.Bu terrorçylyk bes edilmeli we Günbatar dünýäsi bu wagşylyga gysga wagtda garşy çykmalydyr.Ysraýyl gyrgynçylygyň görünmezligi üçin žurnalistleri nyşana alýar we metbugat azatlygyna hüjüm edýär.
Halkara jemgyýetçiliginiň bu hüjümlere biperwaýlygy Ysraýyly höweslendirýär.Bes edilsin.Halkara jemgyýet gözümiziň öňünde başdan geçirilýän wagşyçylyga garşy işe girişmelidir.Bu yzygiderli hüjümlere garşy dymýanlar Ysraýylyň genosid jenaýatyna şärik bolanlardyr. Ýene-de bir gezek Ysraýylyň Gazada žurnalistleri nyşana alýan hüjümelrini ýazgarýaryn, operator Sami Şahada doganymyza Alladan şypa dileýärin, TRT maşgalamyza duýgudaşlyk bildirýärin" diýip habar berdi.