Daşary işler ministri Hakan Fidan, Daşary işler ministrliginiň Strategiýa ylmy barlag merkezi SAM we Chathan House tarapyndan Ankarada geçirlen “Ýewropanyň howpsuzlygy we NATO agza ýurtlaryň arasyndaky hyzmatdaşlygyň güýçlendirilmegi” temaly maslahata gatnaşdy.
NATO-nyň täze döwürde strategiýa uly ähmiýet bermelidigine ünsi çeken Hakan Fidan, NATO-nyň diňe abanýan howplara gaýtawul görkezýän gurama bolmakdan daşlaşmalydygyny we uzak möhletde bitewi howpsuzlyk syýasatyny alyp barmalydygyny nygtady.
ABŞ bilen Ýewropanyň arasynda dartgynlygyň başdan geçirilýändigine garamazdan, şol dartgynlyklaryň NATO-nyň liderler sammitinde ortadan aýrylyp bilinjekdigini nygtan Fidan, ABŞ-nyň Prezidenti Donald Trampyň sammite gatnaşmagynyň kynçylyklaryň ortadan aýrylmagy taýdan diýseň möhümdigini ýatlatdy.
Türkiýe Ýewropanyň howpsuzlygynda uly rol oýnaýar
Daşary işler ministri Hakan Fidan Türkiýäniň Ýewropada howpsuzlygyň ýola goýulmagynda uly rol oýnaýandygyny belledi.
Türkiýäniň Ukrianyň özygtyýarlygyna we bitewiligine goldaw berýändigini nygtan Hakan Fidan, Ankaranyn Russiýa bilen ýakyndan aragatnaşyk saklamagynyň Ýewropanyn howpsuzlygy taýdan möhümdigini belledi.