Ispaniýanyň paýtagtynda dowam edýän Madrid Açyk tennis ýaryşynda zenanlaryň arasyndaky finalda tunisli Uns Jabir bilen amerikaly Jessika Pegula duşuşar. 27 ýaşyndaky Uns Jabir ýarym finalda russiýaly Ýekaterina Aleksandrowadan 6:2, 6:3 hasaplar bilen üstün çykmagy başardy. Şeýlelikde, Jabir WTA 1000 ýa-da Masters ýaryşlarynda finala çykan ilkinji afrikaly, ilkinji arap tennisçi hökmünde hasaba alyndy.
Onuň finalda garşydaşy Pegula ýarym finalda şweýsariýaly Žil Taýhmany 6:3 we 6:4 hasaplar bilen ýeňlişe sezewar etdi.Final duşuşygy ertir, ýagny 7-nji maýda oýnalar (21:30).