Şamoni şäheriniň eňňitlerinde Golden Trail dünýä seriýasynyň ýeke-täk fransuz tapgyry bolan Monblan Marafony badalga aldy.
Euronews-iň habar bermegine görä, kyn sanitar ýagdaýy sebäpli, şu ýyl 38 km çenli gysgaldylan ylgaw ýaryşyna tas 1300 türgen gatnaşdy. Ýoluň üýtgäp durýan belentli-pesli bölegi gipertehniki hasaplanýar we çydamlylygy talap edýär.
Bu marafonyň özboluşly aýratynlygy 2000 m belentlikde pellehana çykmakdyr.Ol ýerden Monblan dagyna görnüş açylýar.Bu ylgaw ýaryşynda erkekleriň arasynda norwegiýaly Stian Angermund gowy netije görkezdi. Ýagny, ol 3 sagat 18 minut we 8 sekunt netije bilen italiýaly Dawid Manýiniden 2 minut we polýak Bartlomeý Pşedwoýewskiýden 5 minut 15 sekunt öňe saýlandy.
Aýallaryň arasynda şweýsariýaly Mod Matis ýaryşyň öňdebaryjysy boldy.Ol bu aralygy 3 sagat 51 minut we 4 sekuntda geçip, gyzy Anais Sabriden 9 minut öňe geçdi. Üçünji Blandin L’Irondel boldy.