Türkiýäniň soňky çempiony “Galatasaraý” topary gyrgyzystanly futbolçy Beknaz Almazbekow bilen 3 ýyllyk şertnama baglaşdy. “Galatasaraýyň” futbol akademiýasynyň uçurymy bolan 18 ýaşyndaky Almazbekow professional şertnama gol çekdi.
Ýeri gelende bellesek, Türkiýäniň futbol federasiýasynyň täze düzgünine görä, Merkezi Aziýanyň hem-de Azerbaýjanyň futbolçylary Türkiýäniň “Trendyol Süper Liginde”, şol sanda 2-nji ligasynda ýerli oýunçy kategoriýasy boýunça çykyş edip bilerler. “Beşiktaş” topary tomusda gazagystanly Bahtiýar Zaýnutdinowy Moskwanyň SSKA toparyndan transfer edipdi. Şeýle-de, “Ankaragüjü” kluby-da öz akademiýasynyň uçurymy bolan gyrgyzystanly Sirožiddin Astankulow bilen 2 ýyllyk şertnama baglaşypdy.