HBO Max akym hyzmaty “Garri Potteriň 20 ýyllygy: Hogwartsa dolanyş” (Harry Potter 20th Anniversary: Return to Hogwarts) atly ýörite bölümiň treýlerini çykardy. Bu bölümde franşizanyň aktýorlary duşuşarlar. Onuň premýerasy 1-nji ýanwara meýilleşdirilýär. Bu barada TASS habar berýär.
Wideoda Metýu Lýuis (Newill Dolgopups), Robbi Koltreýn (Hagrid) we Mark Uilýams (Artur Uizli) Hogwartsdan hat alýar.Mundan başga-da, bölümde Deniel Redkliffiň, Rupert Grintiň, Emma Uotsonyň, Helena Bonem Karteriň, Reýf Faýnsyň, Jeýson Aýzeksiň, Geri Oldmanyň, Tom Feltonyň, Ewanna Linçiň hem-de beýlekileriň peýda boljakdygy anons edildi.
Mundan öň, “Variety” aýratyn bölümiň “düýbünden täze mazmunly interwýular we aktýorlar bilen söhbetdeşlikler arkaly “Garri Potteriň” döredilişiniň jadyly taryhy barada gürrüň berjekdigini” habar berdi.Aýratyn bölüm franşizanyň ilkinji filminiň “Garri Potter we jadygöýüň daşynyň” 20 ýyllygyna bagyşlanýar.