2025-nji ýylda bütin dünýäde başga ýurtlara syýahat edenleriň sany 4 göterim artyp, 1,52 milliarda ýetipdir.Bu görkeziji 2024-nji ýyldakydan 60 million köp.Bütindünýä Syýahatçylyk Guramasynyň taýýarlan Dünýä syýahatçylyk barometri atly maglumatnamada howa gatnawlarynyň artmagynyň we wiza düzgünleriniň ýeňilleşdirilmeginiň syýahatçylygyň ösüşine täsir edendigi bellenilýär.
Geçen ýyl diňe syýahatçylaryň sany däl, eýsem, olaryň sarp eden pul möçberi hem artypdyr.Deslapky maglumatlara görä, global syýahatçylygyň girdejisi 1,9 trillion amerikan dollaryna ýetipdir.Bu görkeziji ozalky ýyldakydan 5 göterim ýokarydyr. Ýewropa 793 million halkara syýahatçyny kabul edipdir.
Afrika ýurtlaryna 81 million myhman baryp, pudak 8 göterim ösüpdir. Ýakyn Gündogar ýurtlaryndaky ösüş geçen ýyl 3 göterim artan bolsa, 2029-njy ýyldaky bilen deňeşdirilende, 39 göterim ösüş hasaba alnypdyr.
Aziýa-Ýuwaş umman sebitine 331 million myhman baryp, 6 göterim ösüş gazanylypdyr.
Läle Geldiýewa,
Sarahs etrabyndaky 9-njy çagalar bakja-bagynyň usulyýetçisi.