30-njy noýabr gijesi her ýyl geçirilýän Gotham Awards film baýraklarynyň 31-nji baýrak gowşurylyş dabarasy boldy. Bu barada lifehacker.ru habar berdi.
Gotham Awards film baýraklary, adatça, kiçi býudjetli (35 million dollara çenli) garaşsyz taslamalary öz içine alýar. Onuň dalaşgärleri film tankytçylary, žurnalistler we film kuratorlary tarapyndan saýlanylýar.
Gotham Awards 2021-iň iň gowy filmi diýlip, Meggi Jillenholyň “Nätanyş gyz” (Netflix) atly dramasy ykrar edildi. Şeýle hem, ol iň oňat ssenariýa üçin berilýän Bingham Ray Breakthrough Director Award ýörite baýragyny aldy.
Bu ýyl Günorta Koreýanyň “Kalmar oýunlary” (Netflix) serialy iň gowy teleserial (40 minutdan geçýän bölümli) ugry boýunça ýeňiji boldy.
Gotham Awards 2021 baýraklarynyň beýleki ýeňijileri şulardan ybarat:
Iň oňat dokumental film - "Gaçyş" ("Flee"). Iň oňat daşary ýurt taslamasy - "Meniň ulagymyň ruluna geç" ("Drive My Car") . Iň oňat serial (40 minuda çenli bölümli) - "Gorag itleri" ("Reservation Dogs"). Iň oňat non-fikşn serialy - "Filadelfiýanyň etrap prokurory" ("District Attorney of Philadelphia"). Aktýor ansambly üçin eminler baýragy - "Ýykylmak has agyr" ("The Harder They Fall") .