Ýonhap habarlar agentliginiň berýän habaryna görä, ýangyn söndürijiler Seul şäheriniň günortasyndaky Hwaseong şäherindäki litiý batareýa öndürýän zawotda ýüze çykan ýangyny söndürmäge çalyşýarlar.
Ýangyn sebäpli ilkinji kesgitlemere görä 20 adamyň ýogalandygy, ýogalan işgärleriň şahsyýetleriniň entek anyklanmandygy beýan edildi.
Resmiler 2-siniň saglyk ýagdaýy agyr ýaralanan jemi 4 adamyň hassahanalarda bejergi astyna alynandyklaryny, fabrikde galan beýleki işgärler üçin gözleg we halas ediş işleriniň dowam edýändigini habar berdiler. Ýangynyň näme sebäpli ýüze çykandygy derňelýär.
Günorta Koreýanyň döwlet baştutany Ýun Sok Ýol ýangynyň söndürilmegi we fabrigiň içinde galan adamlaryň halas edilmegi maksady bilen bar bolan degişli ähli işgärleriň we enjamlaryň gönükdirilmegi barada gyssagly görkezme berdi.
Ýurduň içeri işler ministri Lee Sang-min hem degişli guramadyr-edaralaryň we ýerli dolanşygyň bar bolan ähli çeşmelerini we mümkinçiliklerini ulanmaklaryny isledi.
Içeri işler ministrligi waka bilen baglanşykly derňew işiniň başladylandygyny aýan etdi.