Günorta Koreýanyň Daşary işler ministri Pak Jin, Russiýanyň Daşary işler ministri Sergeý Lawrow bilen telefon arkaly söhbetdeşlik geçirdi.
Günorta Koreýanyň Daşary işler ministrligi tarapyndan berlen beýannama görä, Pak, Hindistanyň paýtagty Täze Delide geçirlen G-20-niň liderler maslahatynyň çäginde Russiýanyň Daşary işler ministri Sergeý Lawrow bilen telefon arkaly söhbetdeşlik geçirdi.
Iki kärdeş telefon söhbetdeşliginde Koreýa Ýarymadasy meselesi we Russiýa bilen Demirgazyk Koreýanyň arasyndaky gatnaşyklar hakynda pikir alyşdy.
Pak, telefon söhbetdeşliginde Russiýa bilen Demirgazyk Koreýanyň arasyndaky harby gatnaşyklary nazarda tutmak bilen gatnaşyklaryň BMG-nyň Howpsuzlyk geňeşiniň kararlaryna laýyk gelmelidigini nygtady.
Pak, şol gatnaşyklaryň sebitiň parahatçylygyna we durnuklylygyna goşant goşmalydygyny ýatlatdy.
Daşary işler ministri Pak, iki ýurduň arasyndaky gatnaşyklaryň pugtalandyrylmagy, Günorta Koreýanyň Russiýadaky raýatlarynyň howpsuzlygy we koreýaly firmalaryň başdan geçirýän kynçylyklarynyň ortadan aýrylmagy üçin rus tarapy bilen işleşmek isleýändiklerini belledi.