BMG-nyň Baş sekretary Antonio Guterreş ýekşenbe güni Ukrainanyň Buça şäherinde parahat ilatyň öldürilmegi bilen baglanyşykly garaşsyz derňewiň başlanmagynyň zerurdygyny aýtdy.
IRNA habar gullugynyň habaryna görä, Guttiereş, Buça şäherinde öldürilen parahat ilatyň suratlaryna özüniň gaty geň galandygyny we garaşsyz derňewiň zerurdygyny aýtdy.
Ukrainanyň prezidenti Wolodymyr Zelinskiý hem ýekşenbe güni rus güýçlerini Ukrainada nesil gyrgynçylykda aýyplady. Zelenskiý Russiýanyň Ukrainadaky jenaýatlary üçin jogapkärleriň hemmesine jeza berilmelidigini aýtdy.
Buça şäheriniň häkimi hem rus goşunyny aýyplamak bilen şu wagta çenli 280 adamy köpçülikleýin mazarlara jaýladyk diýip toslady.
Bu aralykda, Russiýanyň Goranmak ministrligi ýekşenbe güni Ukrainanyň toslamalaryna jogap hökmünde Buçada rus güýçleri tarapyndan parahat ilatyň gyrylmagyny ret etdi.
Russiýanyň Birleşen Milletler Guramasyndaky ilçisi hem, Ukrainanyň Buça şäherindäki wakalara syn bermek üçin Howpsuzlyk Geňeşiniň mejlisiniň geçirilmegini isledi.