BMG-nyň Baş sekretary Antoniu Guterriş mesele bilen baglanşykly ýazmaça beýannama berdi.
Alymlaryň gazylyp alynýan ýangyja garaşlylygyň ýetirip biljek täsirleri barada köpden bäri duýduryş berýärndiklerini aýdan Antoniu Guterriş, bar bolan aşa derejedäki howa hadysalarynyň dünýäniň çar tarapyna täsir ýetirýändigini beýan etdi.
Guterriş: "Planetamyz gaýnama tapgyryndan geçdi. Häzirki wagta çenli hasaba alynan iň yssy tomusy başyndan geçirdi. Klimat weýrançylygy başlady" diýip duýduryş berdi.
Temperaturanyň ýokarlanmagynyň has köp hereket etmek zerurlygyny getirendigini aýdan Guterriş: "Liderler klimat meselesiniň çözüwi üçin işe girişmeli. Häzirki wagtda hem klimat krizisiniň iň erbet sepgidine ýetmeginiň öňüni alyp bileris. Ýitirjek wagtymyz ýok" diýip belledi.