Gyrgyzystanda geçen dört aýyň ykdysady jemleri yglan edildi, netijede jemi içerki önümiň ösüşiniň geçen ýylyň degişli döwründäkiden 8,5 göterim artyk bolandygy hasaba alyndy diýip, MIR24 ýazýar.
Bilermenler JIÖ-iň artmagyny oba hojalyk pudagynda, nebitönümlerinde we derman senagatynda önümçiligiň möçberleriniň artmagy bilen baglaýarlar. Galyberse-de, bu ýyl maýa goýumlaryň derejesi hem 0,6 göterim ýokarlandy.
Şol bir wagtda dört aýyň netijeleri boýunça Gyrgyz Respublikasynda eksportyň möçberi 13,5 göterim kemeldi. Ykdysatçylar muny dollaryň hümmediniň durnuksyzlygy hem-de önümçilik üçin çig malyň bahasynyň gymmatlamagy bilen düşündirýärler. Bu barada MIR24 ýazýar.