Halkara Gyzyl ýarymaý jemgyýeti uruş sebäpli dereksiz ýiten adamlar bilen bagly maglumat paýlaşdy.
Russiýa-Ukraina uruşy sebäpli 23 müň adamyň dereksiz ýitendiginiň hasaba alynandygy bellenen beýanatda, şol adamlaryň ýesir alynandyklary, öldürilendikleri ýa-da öýlerinden çykyp gaýdandyklary aýan edildi.
Beýanatda dereksiz ýiten adamlaryň ykballarynyň anyklanmagy üçin işler geçirilýändigi mälim edildi.
Halkara Gyzyl ýarymaý jemgyýetiniň Merkezi gözegçilik agentligi býurosynyň başlygy Duşan Wuýasanin maşgalalaryň dereksiz ýiten dogan-garyndaşlaryna näme bolandygyny bilmäge hukuklarynyň bardygyny habar berdi.
Duşan Wuýasanin dereksiz ýitendigi hasaba alynan müňlerçe adamyň maşgalalaryny tapyp, aragatnaşyga geçmäge kömek berendiklerini aýan etdi.