Şu möwsümde çempionlygy Porto toparyna aldyran Benfika topary ozalky tälimçisi Horge Žesusy wezipä belledi.Braziliýanyň Flamengo topary bilen şertnamasyny ýatyran 65 ýaşly Horge Žesus portugal kluby bilen 3 ýyla niýetlenen geleşige gol çekişdi.
Ozalam 2009-2015-nji ýyllar aralygynda Benfika toparyna tälim beren Žesus 13 aý öň Flamengo bilen şertnama baglaşypdy.Ussat tälimçi brazil toparyna ýurduň çempionlygyny hem-de 38 ýyldan soň Kopa Libertadoresde çempionlyk gazandyrypdy. Žesus karýerasy boýunça Witoriýa Gimaraýnş, Braga hem-de Sporting toparlarynda-da işledi.