Türkiyäniň Milli Goranmak ministri Hulusi Akar, TBMM-de güntertibiniň ileri tutulýan ugurlary barada beýannama berdi.
Galla geçelgesi ylalaşygyň möhlediniň ýene-de 120 gün uzadylmagy bilen bagly Russiýa we Ukraina bilen gepleşikleriň başladylandygyny aýdan Hulusi Akar, ministrler derejesinde gepleşikleriň dowam edýändigini mälim etdi.
Hulusi Akar: "Düýnki güne çenli köp sanda gämi galla we beýleki azyk önümlerini daşamak boýunça işler amala aşyrdy. 24 million tonnadan gowrak mukdar barada aýdýarys. Hem sebitiň hem-de dünýäniň parahatçylygyna we bahalara uly goşandy boldy. Dowam etmegi hakykatdan hem möhüm. 2 aýyň deregine 120 gün bolmagy babatynda gepleşiklerimizi dowam etdirýäris" diýip habar berdi.
Russiýa we Ukraina tarapynyň meseläni seljerip kararlaryny berjekdiklerini aýdan Hulusi Akar: "BMG hem biziň bilen şol bir garaýyşa eýedir. Nesip bolsa öňümizdäki günlerde meseläni oňyn ýagdaýda çözeris" diýip nygtady.
ABŞ-na degişli uçarmansyz howa ulagy bilen rus harby uçarlarynyň Gara deňiziň üstünde çakyşmagy we ondan soň ýere gaçmagy bilen bagly soraga Hulusi Akar: "Hadysalara, söhbetdeşimiz amerikalylar bilen gepleşikler geçirmek arkaly makul we logiki taýdan çözmek ugrunda tagalla edýäris. Waka ýakyndan gözegçilik edýäris" diýip habar berdi.