Şu ýylyň ýanwar-fewral aýlarynda Hytaýyň daşarky söwda dolanyşygy ýyllyk hasabynda 15,9% ýokarlanyp, 973,45 mlrd dollara ýetdi. Bu barada HHR-iň Baş gümrük edarasy habar berdi diýip, fomag.ru belleýär.
Edaranyň saýtynda ýerleşdirilen maglumatlara görä, iki aýyň içinde ýurduň eksporty 16,3% ýokarlanyp, 544,7 mlrd dollara ýetdi. Import 15,5% ýokarlanyp, 428,75 mlrd dollara ýetdi. Ýanwar-fewral aýlarynda Hytaýyň oňyn saldosy, takmynan, 12,2% ýokarlanyp, 115,95 mlrd dollardan geçdi.