Şahsy maglumatlar bölüminde heniz doglan senesini görkezmedik ulanyjylara Instagrama girmek gadagan ediler. Bu barada sosial ulgamynyň eýesi bolan Facebook kompaniýasynyň saýtynda habar berilýär diýip, www.pnp.ru belleýär.
Bu maglumatyň ýaş ulanyjylary goramak üçin zerur bolan täze funksiýalary işläp düzmek üçin möhümdigi bellenilýär.
Doglan senesini heniz görkezmedik ulanyjylara her gezek sosial ulgam programmasyny açanlarynda talap geler. Mundan başga-da, bildiriş gowşak häsiýetli mazmuny bolan publikasiýalary görjek bolanyňda peýda bolar. Eger bölüm wagtynda doldurylmasa, ulanyjy üçin sosial ulgamyna elýeterlilik çäklendiriler.
Şeýle-de, administrasiýa ulanyjy tarapyndan girizilen maglumatlaryň dogrulygyny kesgitlemek üçin emeli intellekti ulanmagy meýilleşdirýär. Aýratynam, programma doglan gün gutlaglaryny bellige alar. Şeýle funksiýanyň işlenip düzülmegi heniz irki tapgyryndadyr.