Ispaniýanyň Premýer-ministri Pedro Sançes, Günbatarly ýurtlara çagyryş berip, Palestina döwletiniň ykrar edilmeginiň wagtynyň gelendigini aýtdy.
Sançez, Madritde geçirlen 8-nji İlçiler Konferensiýasynyň açylyş dabarasynda çykyş etdi.
Ispan hökümetiniň, 7-nji oktýabrda Hamasyň hüjümden we yzy ýanyndan Ysraýylyň Gara garşy başladan hüjümleri meselesinde tutanýerli tutum alyp barýandygyny aýdan Sançes, “Hamasyň hüjümlerini ýazgarandyklaryny, zamun alynanlaryň şertsiz we gyssagly boşadylmagyny isleýändiklerini, Ysraýylyň özünü goramak hukugynyň bardygyny emma şol ýurtdan halkara hukugyna we adam hukuklaryna sarpa goýmagyny, Gazadaky adamzat pajygasyny bes etmegini isleýändiklerini” ýatlatdy.
Palestina döwletiniň 130-dan gowrak ýurt tarapyndan ykrar edilendigine garamazdan henizem käbir Günbatarly ýurtlaryň resmi taýdan Palestinany ykrar etmändigini ýatladan Sançes, “Palestina döwletiniň Günbatarly ýurtlar tarapyndan ykrar edilmegi üçin işe girişilmeli” diýdi.