Gepleşigimiziň nobatdaky sanynyň mowzugy: Kokos ýagynyň peýdalary….
Kokos agajynyň miwesinden alynýan kokos ýagy, deri we saç idegi bilen bilelikde saglyk pudagynda peýdalanylýar.
Kokos ýagynyň peýdalary näme?
· Işlenmedik kokos ýagy düzümindäki elementleriň saýasynda ýürek-damar kesellerine sebäp bolýan stressi azaldýar.
· Düzümindäki ýag aşgarlarynyň dokluk duýgusyny ýokarlandyryp, horlanmak üçin peýdalydygy çaklanylýar.
· Kokos ýagynyň düzümidäki käbir maddalaryň nerw öýjükleriniň işjeňligine oňyn täsiriniň bardygy anyklanandyr. Kokos ýagynyň sarp edilmeginiň nerw öýjükleri sebäpli ýüze çykýan simptomlary azaldýandygy, alsgeýmer keseli üçin goraýyjy özbolyşlygynyň bardygy çaklanylýar.
· Kokos ýagyndaky käbir maddalar epilepsiýa keseliniň bejergisine peýdalydyr.
· Kokos ýagy potensial taýdan alsgeýmer keseliniň simptomlarynyň öňüni alýar.
Kokos ýagy we deri saglygy
Kokos ýagy deri üçin we deri gurulygy üçin peýdalydyr. Ýüzleý çalynanda deriniň bariýerasynyň dikeldilmegini üpjün edýär. Kokos ýagy çyglandyryjy özbolyşlygy saýasynda deride jaýryklaryň emele gelmeginiň öňüni alýar.
Deriniň sagdynlygyny we görnüşini gowulandyrmak üçin kosmetiki maksatly peýdalanylýar.
Ylmy baraglar kokos ýagynyň gurak deriniň çyglylygyny kadalaşdyrýandygyny görkezýär. Aýratynam deriniň funksiýasyny güýçlendirip, aşa çyglylyk ýitgisiniň öňüni alýar we sizi ýokançlardan, himiki elementlerden hem-de daşarky zyýanly faktorlardan goraýar. Eliňize 6-8 damja kokos ýagyny çalmak, eliňizdäki jaýryklarynyň aýrylmagyny üpjün eder.
Şeýle hem deri çişmesi we deri bariýerasyndaky funksiýanyň bozulmagy bilen ýüze çykýan atopik dermatitiniň ýeňil we orta derejeli simptomlarynyň agyrysyny azaldýar.
Kokos ýagy we onuň saça peýdalary
Kokos ýagy düzümindäki maddalaryň saýasynda saça çyglandyryjy täsiri bardyr. Saça gysga wagtda siňip, ony güýçlendirýär. Kokos ýagy gyrylan saçlary dikeldip, çyglandyryjy özbolyşlygy sebäpli saç maskasy hökmünde-de paýdalanylýar.
Kokos ýagy şeýle hem saça ýetýän zyýanly täsirleriň öňüni almak üçin hem peýdalydyr. Saçy güýçlendirip, onuň has gowy görünmegini üpjün edýär.
Agyz saglygy üçin peýdalydyr
Kokos ýagynyň agyz ýuwmak üçin peýdalanylmagy, agyz gigiýenasy üçin maslahat berilýär.
Agzy kokos ýagy ýagy bilen çaýkamak, adaty serişdeler bilen ýuwulandakysyndan has peýdalydygy, zyýanly bakteriýalaryň sanyny azaldýandygy anyklanandyr.
Düzüminde antiosidentler bar
Kokos ýagy, erkin radikallar atlandyrylýan zyýanly molekulalary täsirsiz ýagdaýa getirmek üçin gerek bolan antioksidentleri özünde jemleýär. Ol hem dürli hroniki keselleriň öňüni almak üçin peýdalydyr. Esasanda süýji keseliniň komplikasiýalaryny azaltmak üçin peýdalydyr.
Kokos ýagyndan nähili peýdalanmaly?
Kokos ýagy derä we saça gönüden çalynyp bilinýär, kofä garyp ulanmak hem maslahat berilýär. Kokos ýagy kofä 1 datly çemçesi goşulmaly.
Kokos ýagyndan peýdalanýanlar nämelere üns bermeli?
Kokos ýagynyň düzüminde ýokary mukdarda energiýa bardygy üçin artykmaç sarp etmek, ýaglanma sebäp bolup bilýär. Ýokary holesterinden ejir çekýänler adamlarda ýürek-damar keseli howpuny artdyrýar.
Kokos ýagy deri bilen bilelikde tüýleriň köküni hem besleýär. Şol sebäpli ýygydan ulanmak ýüzde tüýlenmelere sebäp bolup biler.