Hytaýyň Daşary işler ministrliginden berilen beýannama göra ministr Wang Ýi, Ukrainanyň başlangyjy boýunça kardeşi Kuleba bilen telefon arkaly söhbetdeşlik geçirdi.
Kuleba telefon söhbetdeşliginde Wangdan Ukraina bilen Russiýanyň arasyndaky birinji tapgyr gepleşikler hakynda maglumat berip, çaknyşyklaryň bes edilmeginiň ýurdunyň esasy meselesi bolup durýandygyny aýtdy.
Ukrainanyň gepleşikler arkaly çözgüt tapmagyň tarapynda durýandygyny we Russiýa bilen gepleşiklere içginlik bilen çemeleşýändigini, bar bolan şertleriň agyrdygyna garamazdan asudalygyny dowam etdirip, gepleşikleri dowam etdirmek isleýandigini aýdan Kuleba, resmi Kiýewiň aragatnaşgy çuňlaşdyrmaga taýýardygyny we hüjümleriň bes edilmegi üçin hytaýyň töwellaçylygyna garaşýandygyny beýan etdi.
Hytaýyň Daşary işler ministri Wang bolsa, Ukrainada çaknyşyklaryň başlamagyndan soň gysga möhletde üýtgän şertlere alada bildirip, asuda ilatyň zyýan çekmegine gynanýandyklaryny, Hytaýyň taraplara meseläniň gepleşikler arkaly çözülmegi üçin çagyryş edendigini, syýasy çözgüde goşant goşjak ahli oňyn tagallalary goldaýandygyny aýtdy.
Hytaýyň ahli ýurtlaryň özygtyýarlylygyna we territorial bitewiligine elmydama sarpa goýýandygyny nygtan Wang, bir ýurduň howpsuzlygynyň beýleki bir ýurda wehim salmaly däldigini, sebitleýin howpsuzlygyň harby bloklaryň giňeldilmegi arkaly üpjün edilmeli däldigini nygtady.
Hytaýyň Daşary işler ministri çaknyşyklar dowam edýärkä ilkinji nobatda dartgynlygyň azaldylmalydygyny we çaknyşyklaryň möwç alyp, gözegçilikden çykmagynyň öňüni alynmalydygyny ünsi çekip, asuda ilatyň zyýan çekmeli däldigini we gumanitar pajyganyň ýüze çykmaly däldigini aýtdy.