BRIKS guramasyna we Şanhaý Hyzmatdaşlyk Guramasyna birleşmek isleýän ýurtlaryň sany geçen ýylyň jemleri boýunça artdy we ýigrimä ýetdi diýip, Russiýa Federasiýasynyň daşary işler ministri Sergeý Lawrow habar berdi diýip, TASS ýazýar.
Duşende güni Lawrow ýurduň DIM-niň sebit wekilleri bilen ýygnakda bu barada söz açyp: Soňky iki ýylda BRIKS hem-de ŞHG guramalaryna birleşmek isleýän döwletleriň sanynyň çalt artmagy bellärliklidir diýdi.
2022-nji ýylyň iýunynda BRIKS guramasyna agza bolmak üçin Argentina we Eýran arza berdi, şeýle-de gurama Müsür we Türkiýe goşulyşmak isleýär, Saud Arabystany hem bu mesele bilen gyzyklanýar.
Häzirki wagtda BRIKS guramasyna Russiýa, Hytaý, Braziliýa, Hindistan we GAR girýär. Gurama 2006-njy ýylda Russiýanyň başlangyjy boýunça döredildi, onuň wezipesi agza döwletleriň arasynda ählitaraplaýyn hyzmatdaşlygy ösdürmekden ybaratdyr.