Angliýanyň FA Kubogy duşuşygynda 4-nji tapgyrynda (1/16 final) “Mançester Ýunaýted” öz meýdançasynda “Liwerpuldan” 32 üstün çykdy. Çekeleşikli geçen oýunda “Liwerpul” ilkinji bolup, hasaby açsa-da “Mançester Ýunaýted” ýeňiş gazanmagy başardy. “Mançester Ýunaýtede” ýeňiş getiren gollary Grinwud (26), Reşford (48) hem-de oýna soň goşulan Bruno Fernandeş (78) derwezä girizdi.
Soňky wagtlarda ýeňiş gazanyp bilmeýän “Liwerpuldan” Mohamed Salahyň (18, 59) gollary ýeňşe ýeterlik bolmady. Şunlukda, çempionlyk ýaryşynda-da kem-kemden yza galýan “Liwerpul” FA Kubogy bäsleşiginden çykdy.Topar Liga Kubogynda-da ir ýaryşdan çykypdy.
Başgaça aýdylanda, “Liwerpul” topary “Premier ligada” çempionlyk gazanyp bilmese, onda möwsümi kuboksyz tamamlar.
FA Kubogynyň 1/16 finalynda kubogyň häzirki eýesi “Arsenal” topary “Southemptondan” 1-0 utuldy. “Çelsi” Abrahamyň het-trigi bilen “Luton Tauny” 31 hasabynda ýeňdi. Şol hasap bilen “Mançester Siti” “Çeltnemi”, “Lester” bolsa “Brentfordy” utdy. 1/8 finalyň oýunlary 9-10-11-nji fewralda oýnalar
The post “Liwerpul” möwsümi kuboksyz tamamlap biler appeared first on Zaman Türkmenistan.