Merkezi Aziýanyň we Günorta Kawkazyň sekiz ýurdy Sebit maýa goýum geňeşleriniň bileleşigini döretdiler. Bu barada 16-njy iýunda Daşkent halkara maýa goýum forumynyň çäklerinde geçirilen panel sessiýasynyň netijeleri boýunça "UzDaily" habarlar agentligi habar berdi.
Bileleşigiň düzümine Türkmenistan, Ermenistan, Gruziýa, Gazagystan, Gyrgyzystan, Täjigistan, Özbegistan we Kawkaz sebitiniň wekilleri girýär.
Bu bileleşik maýa goýum syýasatyny utgaşdyrmak we serhetüsti taslamalary ösdürmek maksady bilen döredildi. Özbegistan Respublikasynyň Prezidentiniň ýanyndaky Daşary ýurt maýadarlar geňeşiniň sekretariatynyň ýolbaşçysy Aziz Gafurowyň bellemegine görä, Merkezi Aziýadaky maýa goýum mümkinçilikleri sebit derejesinde has uly ähmiýete eýe bolýar.
Bu başlangyç Aziýa ösüş bankynyň hem-de Ýewropanyň täzeleniş we ösüş bankynyň goldawy bilen durmuşa geçirilýär. Bileleşigiň sekretariaty Özbegistanda ýerleşer.