Microsoft amerikan korporasiýasynyň baş ýerine ýetiriji müdiri Satýa Nadella bilen LinkedIn kompaniýasyndan kärdeşi Raýan Roslanski koronawirusyň delta ştamynyň işgärleriň ofislere gaýdyp barmagyna ýetirýän täsiri barada gürrüňdeşlik geçirdi. Microsoft-yň saýtynda ýerleşdirilen metbugat relizine görä, bu kompaniýa pandemiýa sebäpli işgärleriniň işini ýüzbe-ýüz görnüşde dikeltmegi näbelli möhlet bilen yza süýşürdi. Bu barada www.belta.by habar berýär.
4-nji oktýabr Microsoft-yň Redmonddaky ştab-kwartirasynyň we ABŞ-da beýleki köp iş orunlarynyň doly açylmagy üçin ilkinji mümkin bolan sene diýlip bellenilipdi, ýöne meýilnamalar üýtgedi. COVID-19 bilen baglanyşykly näbellilikleri göz öňünde tutup, ABŞ-da iş orunlarynyň doly açylmagy üçin täze senäni çaklamazlyk kararyna gelindi.
Işgärleriň ýüzbe-ýüz görnüşde işe “jemgyýetçilik saglygy goraýyş maslahatlaryndan ugur alyp, muny etmek howpsuz bolan ýagdaýynda” gaýdyp barmagyna garaşylýar. Mundan başga-da, Microsoft işgärlere ofisdäki işe öwrenişmek üçin wagt berjek we işe çeýe çemeleşmäge mümkinçilik berjek 30 günlük geçiş döwrüni yglan etdi.