26-njy iýulda Rusýada ýaşaýan Türkmenistanyň raýaty “Dostluk” köprüsiniň golaýynda Narwa derýasy arkaly ýüzüp, rus-eston serhedini bikanun geçipdir.
Adam hukukalry boýunça “Memorial” merkeziniň maglumatynda ony eston serhetçileriniň tutandygy we baş pena soramak mümkinçiligini bermän, 5 ýyllap Estoniýa girmek gadaganlygy bilen Russiýa bikanun ýollandygy aýdylýar.
Serhedi bozan 26 ýaşly Ahmet Jumadurdyýew boldy we ol dini äheň bilen Türkmenistanda yzarlanýar.
Adam hukuklaryny goraýjylarynyň habaryna görä, 21-nji sentiýabrda Leningrad welaýatynyň Kingippenskiý şäher kazyýetinde işe garamak başlandy.
Ol Rusýanyň JK-niň 322 maddasy boýunça aýyplanýar. ( bikanun migrasiýalary gurnamakda aýyplanyp, 500 müň rubl jerime bilen 7 ýyla çenli azatlykdan mahrum etmek ýa-da iş kesilen adamyň üç ýyla çenli möhlet ýa-da onsuz azatlykdan çäklendirilmegi bilen aýlyk hakynyň ýa-da beýleki girdejileriniň mukdarynda jezalandyrylýar- red.belligi).
Kazyýetiň saýtynda çap edilen maglumata laýyklykda, indiki diňlenşik 1-nji oktiýabra bellendi.
“Memorialyň” habaryna laýyklykda, türkmen diasporasynyň wekilleri Ahmet Jumamyradowyň Türkmenistana mejbury yzyna berilmeginiň ähtimaldygyna aladalanýarlar.
Ol 2017-2018-nji ýyllarda ýurda bermek baradaky haýyşnama boýunça SIZO-da saklandy we prokuraturanyň karary bilen azat edildi. Ahmete baş pena bermekden ýüz öwürdiler.
Şonuň üçinde, onuň Rusýadaky hukuk durumu henize çenli çözülmedi.The post Narwa derýasy arkaly ýüzüp Estoniýa girmäge synanyşan Türkmenistanyň raýatyna Rusýada sud başlady first appeared on Türkmenistanyň Hronikasy.