Lukmanlaryň biri metbugata beren beýanatynda, ýurduň Ondo welaýatynyň Owo diýilýän ýerindäki buthanada guralan ýaragly hüjümde azyndan 50 adamyň ýogalandygyny habar berdi.
Lukman hüjümde şeýle hem köp sanda adamyň ýaralanandygyny mälim etdi.
Nigeriýanyň Döwlet baştutany Muhammed Buhari hüjümi ýazgaryp: "Näme bolsa bolsun bu ýurt erbetlere we dönüklere boýun egmez we garaňky asla ýagtylykdan üstün çykmaz" diýip belledi.
Ondo ştatynyň gubernatory Rotimi Akeredolu wakany bigünä adamlara garşy guralan elhenç we melgun bir hüjüm hökmünde häsýetlendirdi.
Akeredolu wakanyň bolan ýerine Howpsuzlyk güýçleriniň gönükdirilendigini belläp, hüjüm bilen bagly derňew işiniň başladylandygyny aýan etdi.
Milli metbugatda berilen habarlara görä, şahsyýetleri anyklanmaga synanyşylýan ýaragly adamlar Ondo welaýatynyň Owo sebitindäki Katoliki buthanada ybadat amala aşyrylýan mahaly hüjüm gurady.