“Bloomberg” habaryna görä, “Nvidia” korporasiýasy emeli aň ulgamynda bilelikdäki tagallalar üçin “Nokia” kompaniýasynyň paýnamalaryna 1 milliard dollar maýa goýar.
Amerikan kompaniýasy öň öňdebaryjy el telefony öndürijisi hökmünde tanalýan Finlýandiýanyň telekommunikasiýa enjamlaryny öndüriji kompaniýasynyň 2,9% paýyny satyn alar.
Hyzmatdaşlygyň çäginde “Nvidia” korporasiýasy “Nokia” kompaniýasynyň 5G we 6G ulgamlary üçin niýetlenen programma üpjünçiligini synagdan geçirmek üçin çipler bilen üpjün eder. Gelejekde bu tehnologiýalaryň “Nvidia”-nyň maglumat merkezlerinde ulanylmagy meýilleşdirilýär.