Ýewropa Bileleşiginiň Komissiýasy Ýewro sebitinde ösüşiň ozalky çak edilişinden ýokary boljakdygyny mälim etdi.Koronawirus bilen göreşde gazanylýan üstünlikler bu ösüşe oňyn täsir eder. Şu ýylky ösüşiň 4,8 göterim boljakdygy, mundan ozal bu görkezijiniň 4,3 göterim bolmagyna garaşylýandygy, geljek ýylky ösüşiň has ýokary boljakdygy bellenildi.
Komissiýanyň başlygynyň orunbasary Waldis Dombrowskis ykdysadyýetiň güýçli depginler bilen dikelýändigini belledi. Şeýle hem sebitde hümmetsizlenmäniň görkezijisi 1,7 göterimden 1,9 göterime ýetirildi.
Bölek söwda artdy
Ykdysadyýetiň dikelmegi bölek söwdanyň hem artmagyna getirýär. Maý aýynda Ýewro sebitinde we Ýewropa Bileleşigine agza ýurtlarda bölek söwdanyň aprel aýyndakydan 4,6 göterim artandygy mälim edildi.