Prezident Erdogan Katarda geçirilýän 2022 FIFA Bütindünýä futbol çempionatynyň açylyş dabarasyndan gaýdyşyn uçarda metbugat işgärleriniň soraglaryna jogap berdi.
Açylyş dabarasynda Müsüriň Prezidenti Abdülfettah as-Sisi bilen geçiren duşuşygy bilen bagly soraga Prezident Erdogan: "Bir tapgyr başlap biler diýipdik. Şol tapgyryň başlamagy üçin ol ýerde bir ädim edildi we duşuşyk geçirdik.
Ilki bilen ministrlerimiz bilen başlaýan şol tapgyry, ondan soň nesip bolsa ýokary derejeli duşuşyklar bilen gowy nokada ýetirmek isleýäris.Sebäbi meselä şeýle garaýaryn: Bu Türkiýe-Müsür arasyndaky liderleriň duşuşygy däldir, türk milleti bilen Müsüriň halkynyň geçmişdäki jebisligi biz üçin möhümdir. Ýaňadandan näme üçin bolmasyn, ýaňadandan näme üçin başlamasyn? Şolaryň yşaratyny berdik.
Nesip bolsa adatdan daşary ýagdaý bolmasa, şol ädimi ederis" diýip habar berdi.