Prezident Rejep Taýýip Erdogan Ösüp barýan sekiz ýurduň (D-8) Ykdysady Hyzmatdaşlyk Guramasynyň sammitine gatnaşmak üçin Müsüriň paýtagty Kair şäherine gitdi.
D-8-e agza ýurtlaryň soňky maslahaty iýun aýynda Stambulda geçirlipdi.
Müsürde geçiriljek sammitde gurama agza ýurtlaryň arasyndaky ykdysady gatnaşyklar bilen sebitara we halkara meseleler ara alnyp maslahatlaşylar.
Erdogan, sammitiň çäginde käbir ýurtlaryň döwlet we hökümet baştutanlary bilen duşuşar.
Prezident Erdogan liderler bilen geçirjek duşuşyklarynda, ikitaraplaýyn gatnaşyklaryň ösdürilmegi bilen bagly meseleleri maslahatlaşar, Ysraýylyň Palestinada we Liwanda dowam edýän hüjümlerini ele alar.
Gepleşikleriň dowamynda sebitde parahatçylygy üpjün etmek üçin edilmeli ädimler hem ara alnyp maslahatlaşylar.
D-8 Türkiyeden başga-da Bangladeş, Müsür, Indoneziýa, Eýran, Malaýziýa, Nigeriýa we Pakistan döwletlerini öz düzüminde jemleýär.