Resmi sapar bilen Senegal döwletine baran Prezident Rejep Taýýip Erdogan ol ýerde Türkiýe-Senegal Işewürler forumynda çykyş etdi.
Türkiýe bilen Senegalyň arasyndaky fiziki araçäge garamazdan hemişe ýakyn bolandygyny aýdan Erdogan, Günbatar Afrikada tankydy taýdan möhüm ýurt bolan Senegal bilen edilýän gatnaşyklaryň ajaýyp derejede bolmagyndan hoşaldyklaryny beýan etdi.
Türk kärhanalarynyň Afrika materginiň çar tarapynda ähli kynçylyklara garamazdan örän üstünlikli taslamalary durmuşa geçirýändigini aýdan Erdogan, şol taslamalaryň iş orunlarynyň artmagyna goltgy berýändigini we infrastruktura mümkinçilikleriniň ösmegine itergi berýändigini mälim etdi.
Türk kärhanalarynyň esasan hem "Beýgelýän Senegal meýilnamasy" taslamasynda işjeň rol eýelemeginden hoşaldyklaryny aýdan Erdogan, şol kärhanalarynyň şu günki güne çenli Dakar howa menzili, Dakar Sport kompleksi, Dakar Ekspo merkezi we halkara ulag parky ýaly uly taslamalary üstünlikli ýagdaýda durmuşa geçirendigini habar berdi.
Prezident Erdogan: "Üçünji müň ýyllygyň Afrika eýýamy boljakdygy baradaky ynanç bilen taýarlyklarymyzy eýýäm şu wagtda güýçli tutmalydyrys. Afrikaly doganlarymyza başymyzdan geçiren tejribelerimize laýyklykda gelejegi bilelikde gurmagy teklip edýäris" diýip aýan etdi.
Umumy metbugat ýygnagyndan soň Prezident Erdogan we Senegalyň Prezidenti Maki Sall Prezident köşgünde ikiçäk duşuşyk geçirdiler. Ondan soň bolsa gol çekilşik dabarasyny geçilip, liderleriň ýolbaşçylyk etmeginde iki ýurdyň arasynda 5 ylalaşyga gol çekişildi.