Rim Papasy Fransisk saglyk ýagdaýy sebäpli iş başyndan gitmäge taýýardygy barada Kanada amala aşyran saparyndan gaýdyp gelenden soňra beren beýanatynda habar berdi. Bu hakynda Watikanyň Radiosyna salgylanýan Izwestiýa ýazýar.
Pontifik indi saglygynyň öňküler ýaly saparda bolmaga mümkinçilik bermeýändigini sözüniň üstüne goşdy.
Men ýaşym hem-de saglygym zerarly Kilisä gulluk etmekde biraz özümi aýamaly boljakdygym barada netijä geldim. Beýleki bir tarapdan, men işden çekilmek dogrusynda-da oýlanyp bilerin we dogrusyny aýdanyňda, işden çekiläýemde-de, beýle bir howsala düşere sebäbem ýokdur diýip, Rim Papasy nygtady.
Pontifik Papanyň täzelenmeginde mesele görmeýändigini aýtdy, ol özüniň dyzynda operasiýa edilmeginiň saglygyny gowulandyrmajakdygyny, lukmanlar agyrynyň doly aýrylmajakdygyny aýdýarlar diýip, sözüniň üstüne goşdy.
Ýeri gelende aýtsak, Rim Papasy Fransisik köp ýyl bäri dyzagyrydan ejir çekýär we maýyplaryň arabasynda hereket edýär. Ol agyry sebäpli az aralyga ýöräp bilýär.