Russiýanyň Ukraina guran hüjümleriniň 8-nji gününde taraplaryň arasyndaky gepleşikleriň ikinjisi Belarusyň Brest şäherinde geçirildi.
Gepleşiklerde Russiýanyň wekiliýetine döwlet Ýolbaşçysy Wladimir Putiniň kömekçisi Wladimir Medinskiý, Ukrainanyn wekiliýetine bolsa Ukrainanyň Prezidentiniň Iş dolandyryjysynyň orunbasary Mihail Podolýak ýolbaşçylyk etdi.
Ukrainanyn wekili gepleşikleriň üçünji tapgyrynyň gysga wagtda geçirilmegi meselesinde ylalaşyk gazanylandygyny belledi.
Iki tarapyň asuda ilatyň göçürilmegi we halka ynsanperwer kömeginiň ýetirilmegi üçin amatly şertiň döredilmegi meselesinde ylalaşyk gazanandygy nygtaldy.
Ylalaşyga laýyklykda asuda ilat göçürülýän pursatlarynda hüjümler wagtlaýyn bes ediler.
Russiýanyň we Ukrainanyň wekiliýetiniň gatnaşmagynda geçirilýän gepleşikleriň birinji tapgyry 28-nji fewralda Belarusyň Ukraina serhedindäki Gomel şäherinde geçirlipdi.
Russiýa 24-nji fewralda Ukraina garşy harby hüjüm başladypdy.