“Roskomnadzor” AR-niň merkezi aziýa gulluklarynyň saýtlarynyň Russiýanyň çäginde elýeterliligini petiklemäge başlapdyr. Bu barada “Mediazona.Merkezi Aziýa” neşiri “Roskomswoboda” gullugynyň maglumatlaryna salgylanyp habar berýär.
Petiklenen saýtlara Азаттык (Gazagystan), Озоди (Täjigistan) we Азатлык (Türkmenistan) girýär.
Petiklemäniň sebäpleri agzalmaýar. “Roskomswoboda” reestriniň maglumatlaryna görä, 2022-njinji ýylyň 28-nji ýanwarynda RF-niň Baş Prokuraturasynyň talaby boýunça “Azatlygyň” rus dilindäki saýtynda ýerleşdirilen iki makalanyň elýeterliligine çäklendirme girizildi.
Olar rus syýasatçysy Alekseý Nawalnynyň “Putiniň köşgi” baradaky derňewi bilen ilteşikli.
AR-niň saýtlarynyň petiklenmegi 26-njy martda başlandy. 28-nji martda hem bu saýtlar “Bilaýn” serwer boýunça entek elýeterli däldi.
Mundan öň Baş Prokuraturanyň talabu boýunça “Ukraýinanyň çäginde bolup geçýän wakalar barada feýkler ýaýradýandygy” üçin AR-niň rus gullugynyň saýty Russiýada petiklenipdi.
Mundan öň “Roskomnadzor” AR başga-da Ukraýinadaky wakalary şöhlelendirýän garaşsyz “BBC”, “Meduza”, “Doýçe Welle” habar serişdeleriniň elýeterliligini hem çäklendiripdi.
Şonuň ýalyda, häzire çenli “Dojd” telekanaly we “Eho Moskwy” radiýosy hem ýapylypdy.The post Russiýada AR-niň saýtyny petiklediler first appeared on Türkmenistanyň Hronikasy.