Ukrainadaky sebitleýin resmiler, Moskwanyň Ukrainanyň birnäçe iri şäherlerine guran hüjümlerinde dokuz adamyň ölendigini aýan etdiler.
Kiýewiň harby dolanşygynyň başlygy Timur Tkaçenko Telegramdan beren beýanatynda: "Kiýewde 23 adamyň, şol sanda bir çaganyň ýaralanandygy mälim. Gynansak-da, ölenleriň sany dört adama ýetdi" diýdi.
Içeri işler ministri Igor Klimenko mundan ozal Ukrainanyň demirgazyk-gündogaryndaky Harkow şäherinde "Döwlet adatdan daşary ýagdaý gullugynyň bäş halas ediji işgäriniň ýangyn söndüriş operasiýalarynda ölendigini" mälim edipdi.
Klimenko Telegramdan beren beýanatynda "azyndan 5 adamyň hem ýaralanandygyny" belläp, pidalaryň Russiýanyň hüjümleriniň netijesinde bolandygyny habar berdi.