Samsung Galaxy M33 5G-niň synagdan geçirilen wersiýasy SM-M336B_DS model belgisine eýe boldy. Bu ýerde DS iki SIM-kartasyny göterýändigini aňladýar diýip, ixbt.com belleýär.
Sertifikatlaşdyryjy edara Galaxy M33 5G-niň hiç hili häsiýetlerini açyp görkezenok, onuň diňe Bluetooth 5.1 birikmesini goldaýandygyny belleýär.Ondan öň smartfon SM-M336BU model belgisi bilen Geekbench maglumatlar bazasynda peýda boldy.
Meşhur bençmark gurluşyň täze Exynos 1200 bir kristally ulgam esasynda gurnaljakdygyny we 6 GB operatiw ýada eýe boljakdygyny nygtaýar.Operasion sistema hökmünde Android 12 çykyş eder.Mundan başga-da, Samsung Galaxy M33 5G günorta koreýaly düzgünleşdiriji tarapyndan sertifikatlaşdyryldy.
Ol täze önümiň 6000 mA/s sygymly akkumulýator batareýasy bilen üpjün ediljekdigini tassyklady.Gurluşyň tanyşdyrylyş dabarasynyň ýakyn hepdelerde bolmagyna garaşylýar.