ABŞ-nyň Aerokosmos edarasynyň (NASA) Jeýms Webb adyndaky kosmos teleskopy arkaly Saturnyň iň uly hemrasy Titanda bulutlaryň bardygy anyklandy.Bu asman jisiminiň atmosferasynyň dykyzlygynyň Ýeriňdäkiden 4 esse köpdügi mälim edildi.
Geçirilen gözleg işleriniň netijesinde 5-nji noýabr güni Titanyň demirgazyk ýarym şarynda 2 buludyň bardygy anyklandy.Bu bulutlaryň ulusy Titanyň ýüzündäki iň uly suwuk massa bolan Kraken kölüniň (Kraken Mare) golaýynda görünýär.
Titanyň atmosferasy azot we metan gazlaryndan emele gelip, bu tebigy ýagdaý hemranyň reňkini mämişi edip görkezýär. Şeýle hem asman jisiminiň ýüzünde bulutlary emele getirýän we ýagşyň ýagmagyna şert döredýän suwuk etan we metan himiki birleşmeleri bar.
Jumageldi Taganow, Ýagşygeldi Kakaýew adyndaky halkara nebit we gaz uniwersitetiniň talyby