Saud Arabystanynyň Goranmak ministri Halid bin Salman, Türkiýe bilen goranyş senagaty pudagy boýunça ýakyndan hyzmatdaşlyk edilmegini maksat edinýän iş meýilnamasy meselesinde ylalaşyk gazanylmagyna kanagatlanma bildirdi.
Bin Salman, Twitterden beren habarnamasynda, Türkiýe Respublikasynyň Goranmak ministrligi bilen Saud Arabystanynyň Goranmak ministrliginiň arasynda ýakyndan hyzmatdaşlyk edilmegini maksat edinýän iş meýilnamasy hakynda maglumat berdi.
Saud Arabystanynyň Goranmak ministri “Türkiýe Respublikasynyň Milli Goranmak ministri Ýaşar Güler bilen iki dost ýurduň arasynda harby we goranyş senagaty pudagy boýunça ýakyndan hyzmatdaşlyk edilmegini maksat edinýän iş meýilnamasy meselesinde ylalaşyk gazanylmagyna kanagatlanma bildirýärin” diýdi.
Saud Arabystanynyň Goranmak ministrliginiň Baýkardan uçarmansyz howa ulagyyny satyn aljakdygyny aýdan Salman, Goranmak ministrligi bilen Baýkaryň arasynda howa ulaglarynyň satyn alynmagy meselesinde şertnama baglaşylandygyny belledi.