Geçen hepdäniň başynda Dünýä çempionatyna gatnaşýan toparlaryň gutarnykly düzümleri mälim edilipdi. Ýöne şondan soňam, käbir oýunçylar şikesi sebäpli düzümden çykarylmaly boldy. Şolaryň biri-de argentinaly Manuel Lanzini bolup, ol türgenleşiklerde dyzyna ýeten şikes zerarly sanawdan çykaryldy.
Onuň ornuna tälimçi Sampaoli “Riwer Pleýtde” oýnaýan 32 ýaşly Enzo Perezi çagyrdy. Şonuň ýaly Kolumbiýanyň ýygyndysynda-da goragçy Frank Fabra şikesi sebäpli çempionata gatnaşyp bilmez.Onuň ornuna 34 ýaşly Farid Diaz (“Olimpiýa”, Paragwaý) düzüme çagyryldy.