Lýudowit Odor Slowakiýanyň täze hökümet başlygy bolar, bu barada düýn, ýekşenbede geçirilen gyssagly metbugat ýygnagynda Respublikanyň Prezidenti Zuzana Çaputowa habar berdi diýip, TASS habarlar gullugyna salgylanýan Trend.az ýazýar.
Öň hökümet başlygynyň wezipesini ýerine ýetirýän Eduard Heger öz wezipe ygtyýarlylyklaryny tabşyrmakçydygyny beýan edipdi. kanunçylyga görä, onuň bilen bilelikde ähli Ministrler Kabineti hem işden gider.
Prezidenti Çaputowa şeýle-de Odoryň täze hökümeti düzmäge girişjekdigini habar berdi, onuň agzalary syýasy partiýalar tarapyndan hödürlenjek ýolbaşçylardan düzüler. Prezident eýýäm täze ministleriň sanawyny düzdi, emma olaryň atlaryny çap etmekden saklandy diýlip, habarda aýdylýar.
Ministler Kabineti resmi taýdan düzülýänçä, onuň borçlaryny Hegeriň hökümeti ýerine ýetirer.
2022-nji ýylyň dekabrynda Slowakiýanyň Parlamenti Hegeriň koalision hökümetine ynamsyzlyk yglan edipdi. Prezident Çaputowa Hegerden täze saýlawlara çenli çäklendirilen wezipe ygtyýarlylyklaryny saklamak bilen wezipesinde galmagy haýyş etdi. Wagtyndan öňki saýlawlar 2023-ni ýylyň 30-njy sentýabryna bellendi.