Şol çäkde Türkiyäniň Ýaragly güýçleriniň terrory gözbaşynda ýok etmek düşünjesiniň esasynda dowamly we giňişleýin ýagdaýda geçirilýän operasiýalarda soňky 1 hepdede 95 terrorçy täsirsiz ýagdaýa getirildi.
Şeýlelik bilen 1-nji ýanwardan bäri şu günki güne çenli 983-i Yrakda, 980-i Siriýada bolmak bilen jemi täsirsiz ýagdaýa getirilen terrorçylaryň sany 1963-e ýetdi.
Beýanatda 2-nji we 9-njy sentýabrda Yragyň demiragzygyndaky Metina, Zap, Gara, Hakurk, Kandil we Asos sebitlerinde terrorçylara degişli bolan ýerlere garşy geçirilen operasiýalar barada hem maglumat berildi.
Operasiýada aralarynda jogapkär ýolbaşçy terrroçylaryň bardygy kesgitlenen gowaklar, gaçybatalgalar, ammarlar we terror guramasy tarapyndan ulanylan desgalardan ybarat jemi 41 nyşana üstünlik bilen ýok edildi.
Iň ýokary derejede ýerli we milli ok-därileriň ulanylan operasiýalarda ilkinji kesgitlemelere görä 27 terrorçy täsirsiz ýagdaýa getirildi.
Beýanatda geçirilen operasiýalaryň nyşanalara täsirini gözden geçirmegiň dowam edýändigi mälim edildi.