Germaniýanyň prezidenti Frank-Walter Ştaýnmaýer, ýurduň paýtagty Belwýu köşgünde ülkede iş alyp barýan daşary ýurt wekilhanalaryň wekilleri bilen duşuşyk geçirdi.
Frank-Walter Ştaýnmaýer: "Ýewropadaky azatlyklar Russiýanyň Ukraina garşy başladan uruşdan soň ýaňadandan howp astynda. Putin urşy Ýewropa getirdi. Emma diňe bir ýurda getirmedi, Ýewropanyň parahatçylygyna hüjüm etdi" diýip habar berdi.
Ýewropanyň halkara hukugyny bozýan bu urşa beren reaksiýasynyň açyk-aýdyň we anyk bolmalydygyny belläp: "Biz kanunyň we halkara hukugynyň, parahatçylygyň we hoşniýetli goňşuçylygyň tarapdarydyrys. Ukraina Ýewropa Bileleşiginde adalatly bir parahatçylyga we geljege tarap barýan ýolda, azatlyklaryň we garaşsyzlyklaryň goralyp saklanmagy babatynda biz nemesleriň olaryň ýanynda durjakdygymyza ynanmagy dowam edip biler" diýip mälim etdi.
Russiýa-Ukraina urşunyň başlamagyndan bäri transatlantik bileleşiginiň biri-birine ýakyn, güýçli we egsilmez durýandygyny aýdan Ştaýnmaýer: "Sowuk urşundan bäri bu materikde iň howply pursatda bolmagymyz ahmal" diýip nygtady.