Maslahata Türkiyäniň, Siriýanyň, Russiýanyň we Eýranyň Daşary işler ministrleriniň orunbasarlary gatnaşar.
Ankara bilen Damaskyň arasynda 11 ýyldan soň ilkinji maslahat geçen ýylyň 28-nji dekabrynda geçirilipdi. Russiýanyň paýtagty Moskwa şäherinde geçirilen maslahata ilki bilen Milli Goranmak ministrleri we Milli howpsuzlyk gulluklarynyň başlyklary, soň bolsa Daşary işler ministrleriniň orunbasarlary we Daşary işler ministrleri gatnaşypdylar.
Bu gezek bolsa şu gün Astana şäherinde Daşary işler ministrleriniň orunbasarlarynyň arasynda maslahat geçiriler.
Dört taraplaýyn maslahatyň ilkinjisinde, Türkiye bilen Siriýanyň arasyndaky gatnaşyklaryň kadalaşmagy üçin ediljek anyk ädimler ele alynar.
Türkiye terrorizme garşy göreş, syýasy çözgüt, bosgunlaryň meýletin, howpsuz we mertebeli ýagdaýda gaýdyp barmaklary bilen baglanşykly tutanýerliligini ýene-de bir gezek nygtap geçer.