NATO-nuň Baş sekretary Ýens Stoltenberg X sosial media hasabyndan beren habarnamasynda Şwesiýanyň NATO resmi taýdan goşulandygyny mälim etdi.
“Şwesiýa NATO-nuň 32-nji agzasy boldy we aramyzda mynasyp ornuny eýeledi. Ýekşenbe güni NATO-nuň Ştab kwartirasynda baýdaklaryny diňe asmaga sabyrsyzlyk bilen garaşýaryn” diýip ýazan Stoltenberg, “Şwesiýanyň agzalygy NATO-ny hasam güýçlendirýär, Şwesiýany we bütin alýansy hasam howpsuzlaşdyrýar” diýip, garaýyş beýan etdi.
NATO-nuň ýazmaça beýannamasyna görä hemn Şwesiýanyň agzalygy üçin NATO-nuň Ştab kwartirasynda 11-nji martda dabara guralar.
NATO-nuň Baş sekretary Ýens Stoltenberg we Şwesiýanyň Premýer-ministri Ulf Kristerssonyň gatnaşmagyndaky dabarada Şwesiýanyň baýdagy diňe asylar.
Türkiýäniň Beýik Millet Mejlisiniň 23-nji ýanwarda, Wengriýanyň Milli Mejlisiniň 26-njy fewralda beren tassyknamasyndan soň ähli ýaranlaryň mejlislerindäki tassyklaýyş tapgyrynyň tamamlanmagy netijesinde Şwesiýanyň agzalygy boýunça soňky tapgyra geçilipdi.